Ignacio Zoco Espartza futbolaria gure zuhaitz genealogikoan daukagu. Osasunan eta Real Madrilen aritu zen.
Bere lehen talde profesionala Osasuna izan zen, 1959tik 1962ra; ordurako erdilari sendoa izateagatik eta bere fisikoagatik (1,84 m) nabarmentzen hasia zen.
1962an Real Madridek fitxatu zuen eta han 12 denboraldi eman zituen, 1974 arte; urte horiek talde madrildarraren historiako onenetakoak izan ziren: Zoco jokalaria zela 7 liga eta 1966ko Europako Kopa irabazi zituen.
Futbolaria izateari utzi zionean Nafarroako Gobernuaren Kirol Delegatua izan zen, UCDk izendatuta. Real Madridekiko lotura gorde eta jokalari-ohien batzordeko kidea izan zen. 1994ko urtarrilaren 13an lehen taldeko delegatua izendatu zuten, Miguel Ángel Gonzálezen ordez. Karguan 1997-1998 denboraldia arte egon zen eta Chendok ordezkatu zuen.
María Ostiz kantariarekin ezkondu zen.
Testua: wikipedia
OTROS PERSONAJES ILUSTRES:
