XXXI. Euskal Herriko Dantza Txapelketa

Arratsaldeko ezuste politenetakoa Mikel Villanuevak eta Arantza Larreak osatutako Agoizko bikoteak eman zuen. Itxuratik hasita. Izan ere, Mikel kapelarekin igo zen oholtzara, eta Arantza, berriz, orkatilarainoko gona luzearekin, Agoizkoen antzera, alegia. Itxura hori zetorrenaren seinale baino ez zen. Segurako Txapelketan bikote nafarrek gutxitan hartzen dute parte, eta parte hartzen dutenean, fandango eta ariñ-ariñak gipuzkoar erara-edo egiten dituzte. Mikelek eta Arantzak, berriz, Agoizko bertako pausuak egin zituzten. Are gehiago, ariñ-ariña baltsean bukatu zuten. Jendeak molde berri hori izugarri eskertu zuen. Eta sailkapenean ere oso aurrean egongo ziren Mikel Villanuevak eginiko hutsen batengatik izan ez balitz.

Komunikabidea: Gara
Argazkiak: Ekhiñe, Aitziber eta Marta