Agoizko Mendi Lasterketa 2025

Sailkapena: https://inscripciones.kronoak.com/es/evento/ix-agoizko-mendi-lasterketa-carrera-de-montana-de-aoiz
Argazki gehiago: https://drive.google.com

Joan den irailaren 14an, Agoitz berriro izan zen Nafarroako trail-aren erdigunea: IX. Mendi Lasterketak 219 parte-hartzaile bildu eta festa-giroa ekarri zuen Merkatuko plazara. Lasterketa luzean (22,5 km eta 1.350 m-ko desnibel positiboa), Victor Bernedo iruindarra (1:57:57) eta Larraitz Etxebeste gipuzkoarra (2:26:57) izan ziren irabazleak. Edizioak emozioa eta maila handia izan zituen ezaugarri nagusi. Lasterketa laburrean, (10 km eta 550 m+), Markel Barrio (50:47) agoiztarra gailendu zen. Hartara, azkenean igo da podiumeko gorenera, beheko mailetan geratu baitzen aurreko edizio batzuetan. Maribel Jaillita (1:05:48) otsagabiarra ere garaile izan zen. Taldeka ere korritu zuten Euskal Herriko Kopako eta Nafarroako rankingeko egutegiaren parte den proba hori. Aiaramendik irabazi zuen 22 km-etan eta Pagolines Chetaus-ek, 10 km-etan. Emaitzak ez ezik, ikusleen harrera ona ere nabarmentzekoa da. Ibilbide osoan zehar animatu zituzten korrikalariak. Hartara, jai bat izan zen lasterketa Agoitzentzat, kirolekoa eta soziala.