XIX. Argazki Lehiaketaren epaia

Juana García Leónek eta Marisa Itoiz Burguetek Agoitz Hiriko XIX. Argazki Lehiaketa irabazi zuten. Juana kategoria orokorreko (edonori irekitakoa) irabazlea izan zen, «Errotatik» izeneko irudiarekin eta 500 euroko saria jaso zuen.

Marisa, berriz, Agoizkoei zuzendutakoarena, «Kaleko distira/Resplandor callejero» izeneko argazkiarekin, eta 300 euroko saria jaso zuen. Guztira, 25 argazki aurkeztu ziren sariketara: 16 modalitate orokorrean eta 9 herrikoentzako modalitatean. Modalitate orokorrera aurkeztutako lan onena aukeratzeko epaimahaia honakoek osatu zuten: Marta Continek eta Adolfo Lacunzak (argazkigintzako profesionalak biak), Alfredo Leonek (Agoizko bizilaguna eta sortzaile grafikoa), Joseba Alcaldek (kulturako zinegotzia) eta Rut Etxartek (Agoizko Kultur Etxeko koordinatzailea eta idazkaria).

Modalitate herrikoia aukeratzeko, Agoitzen erroldatutako pertsonei mugatua, bozketa bat egin zen azaroaren 11tik 24ra, epai mahaiak aurrez aukeratutako hiru irudiren artean. Epaimahaiak adierazpen plastikoa, kalitate teknikoa, konposizioa eta mezua oinarri hartuta baloratu zituen argazkiak.

Sari-banaketa azaroaren 29an egin zen, lehiaketara aurkeztutako argazki guztiekin prestatutako erakusketaren inaugurazioa zela eta. Erakusketa abenduaren 21era arte egonen da ikusgai Agoizko Kultur Etxean.

Komunikabidea: agoitz.eus
Argazkia: https://www.facebook.com/CulturaAgoitzKultur/