Mabel Cañada: “Pandemian etsipena, tristura eta bakardadea zabaltzen ari dira ahalmen kritikoa apaltzeko”

Antimilitarista, feminista, bakezalea, ekologista, aktibista eta bidegilea. Santutxun sortua, 22 urterekin bizimodu komunitarioaren alde egin zuen, lehenengo Bilbon eta gero Nafarroan. KEM-MOC Kontzientzia Eragozleen Taldean hamabost urte aritu zen. Aurten 40 urte bete dituen Lakabeko komunitatearen sortzaileetakoa da. Gaur egun Artzibarko zinegotzia eta Irati Hondakin Solidoen Mankomunitateko presidentea da. 2004. urteaz geroztik aldaketa-prozesuak bideratzen aritzen da hainbat kolektibo eta erakunderekin lanean. Gizarte-taldeentzako egoera-diagnostikoak egin eta beren prozesuetan lagundu egiten die. Ikastaroak eta tailerrak ere ematen ditu. Lau pertsonen ama da eta beste zenbaiten amona.

KEM-MOC Kontzientzia Eragozleen Taldea, Itoizko urtegia, feminismoa, zentral nuklearrak, ekologismoa… Urte luzeak daramatzazu borrokan. Zer ikasi duzu?
Dena zirraragarria izan da eta esperientzia guztietatik ikasi dut. Sistemak dio geure burua defendatu behar dugula, edo norbait izateko borrokatu behar dugula, baina ideia ergelak dira horiek. Bizitza oso eskuzabala da. Nik ikasi ditudan gauza nagusiak feminismotik eta naturatik datoz. Feminismotik ikasi dut nahi dudana naizela eta ez besteek esaten dutena; eta naturatik, gauza bakoitzak bere unea duela eta ziklo bateko parte garela. Garrantzitsuena da ziklo horrekin bat egitea. Ez behartu lurra zuk nahi duzuna lortzeko, nahi duzun tokian eta nahi duzun unean. Bi ardatz horien arabera bizi nahi dut nik. Hori da nire helburua.

Jatorriko berria irakurtzen jarraitzeko, klik egin hemen.